طريقة عمل فسيخ وسردين شم النسيم

طريقة عمل فسيخ وسردين شم النسيم
ملح -شطه -خل -زيت 

اول حاجه جبت السردين وغسلته كويس اوى




وحطيته كله راسه فى اتجاه واحد وميلت الطبق اللى كان فيه عشان يصفى اى ميه او دم منه وسبته عشر دقايق





ده طبق الملح واشطه 




جهزت كيس ابيض نضيف ورشيت فيه من تحت شويه ملح وشطه وسندته على طبق تانى من تحت عشان اعرف ارص 



بدات ارصه اول طبقه كل راس جنبها ديل 


وبعدين رشيت الملح والشطه وانا مش بحط الملح فى الرا س لاء انا برش طبقات وبس وتكون معقوله عشان ما يبقاش حادق اوى 



وهكذا تانى طبقه راس وديل برضه لحد ماخلصت كل الكمية 








خلصت كل الكميه و حطيت اخر طبقة ملح وشطه وربع كوب خل ونص كوب زيت اخر حاجه عشان يقفل الهوا ويحافظ عليه 






وبعدين ربطته كويس اوى واتأكدت ان الكيس مفيهوش اى هوا وبعدين لفيته فى حوالى اربع اكياس وبعدين ورقتين جرنان وكيس اخير وسبته عشر ايام بالظبط 





وده شكله لما طلعته 





غسلته ونضفته وشيلت القشره وفتحته من الضهر عشان اسيب الحته البيضا اللى باينه فيه دى طعمها حلو اوى لان السردين كان سمين اصلا وبطنه نضيفه جدا اديته عصرة ليمون ورشه خل

طبعا مفيش احسن ولا اجمل من عمايل البيت وريحته وطعمه جنان والله الطعم مافرق حاجه عن الفسيخ ولحمه استوى وبقى زبده 

واتفضلوا بقى معايا 

ادى البصل والليمون 





والصينيه دى للى هتقيم وترد زى الشاطره 

وعليها فسيختين هديه 






والطبق ده ل الوحشه اللى هترد بس ومش هتقيم مسحوب منها الفسيختين

طريقةعمل كبدة بصوص الفلفل الرومي والكزبرة 2012

طريقةعمل كبدة بصوص الفلفل الرومي والكزبرة 2012

المقادير:½ كيلو كبدة بلدي

بصلة مفرومة

2 ثمرة طماطم

2 فص ثوم مهروس

3 ملعقة كبيرة زيت

ملح وفلفل وبهارات

بصلة مقطّعة شرائح

2 ملعقة كبيرة كزبرة مفرومة

2 ثمرة فلفل رومي مقطّعة شرائح

الطريقة:1- اغسلي الكبدة كويس بالميه، وتبّليها بالبصل المفروم والملح والفلفل والبهارات.

2- حطّي الزيت في طاسة، وشوّحي فيها شرائح البصل والثوم لحد ما لونهم يبقى دهبي، وبعد كده حطّي الكبدة وشوّحيها معاهم على النار.

3- بعد ما تحسّي إن الكبدة استوت، ضيفي عليها الطماطم والفلفل الأخضر، وتبّليهم بالملح والفلفل على حسب ذوقك.

4- قبل ما ترفعي الكبدة من على النار ضيفي الكزبرة وقلّبيهم كلهم مع بعض، وبعد كده اغرفي الكبدة في طبق التقديم.. وبالهنا والشفا.